Konfrans Liqası: Bütün 1/4 finalçılar müəyyənləşdi

Avropa Konfrans Liqasında 1/8 final mərhələsinə yekun vurulub. Corner.az xəbər verir ki, ikinci oyun günündə daha yeddi qarşılaşma baş tutub.

Türkiyə təmsilçisi "Sivasspor" İtaliyanın "Fiorentina" klubunu qəbul edib. Böyük hesabla uduzan Sivas klubu mübarizəni dayandırıb.

"Vilyarreal" doğma meydanda Belçikanın "Anderlext" klubuna uduzaraq mübarizəni dayandırıb. İtaliya "Latsio"su isə Niderlandda “Alkmaar”a məğlub olaraq gözlənilməz şəkildə yarışla vidalaşıb.

Polşa “Lex”i, İsveçrənin “Bazel”, Fransanın “Nitsa”, İngiltərənin “Vest Hem komandaları da növbəti mərhələyə vəsiqə qazanıblar.

Xatırladaq ki, 1/4 finala ilk vəsiqəni ötən gün Türkiyədə "Başakşəhər"ə 4:1 hesabı ilə qalib gələn Belçika "Gent"i qazanmışdı.

Avropa Konfrans Liqası
1/8 finalın cavab oyunları
16 mart

"Sivasspor" (Türkiyə) - "Fiorentina" (İtaliya) 1:4
Qol: E.Yeşilyurt, 35 – Kabral, 44. Milenkoviç, 62. Qoutas, 78-öz qapısına. Kastrovilli, 89.
İlk oyun - 0:1

"Yurqorden" (İsveç) - "Lex" (Polşa) 0:3
Qol: Marçvinski, 77. Kvekveskiri, 90+1. Skoras, 90+2.
İlk oyun - 0:2

"Slovan" (Slovakiya) - "Bazel" (İsveçrə) 2:2 (penaltilər 1:4)
Qol: Abubakari, 10. Kuçka, 17 – Kalafiori, 53. Amduni, 90+3.
İlk oyun - 2:2

“Nitsa” (Fransa) - “Şerif” (Moldova) 3:1
Qol: Laborde, 30. Moffti, 53. Brahimi, 79 – Tapsoba, 54.
İlk oyun - 1:0

“Vest Hem” (İngiltərə) - AEK (Larnaka, Kipr) 4:0
Qol: Skamakka, 21. Bouen, 47; 49. Mubama, 65.
İlk oyun - 2:0

“Vilyarreal” (İspaniya) - “Anderlext” (Belçika) 0:1
Qol: Slimani, 73.
İlk oyun - 1:1

"Alkmaar" (Niderland) - "Latsio" (İtaliya) 2:1
Qol: Karlsson, 28. Pavlidis, 62 – F.Anderson, 21.
İlk oyun - 2:1