Konfrans Liqasının qalibi müəyyənləşdi

"Olimpiakos", 2023-24 UEFA Konfrans Liqasının finalında dramatik keçən oyunda "Fiorentina" üzərində əlavə vaxtda qalib gəlib.

90deqiqe.Az xəbər verir ki, “Olimpiakos” UEFA Konfrans Liqasının final mərhələsinin əlavə vaxtında “Fiorentina”nı 1:0 hesabı ilə məğlub edərək Avropa kubokunu qazanan ilk Yunanıstan komandası kimi tarixə düşüb.

Oyunun nəticəsini 118-ci dəqiqədə, bu mövsüm Avropada oynadığı səkkiz oyunda 10-cu qolunu vuran hücumçu Ayoub El Kaabinin gec qələbə qolu həll edib. Beləliklə, Yunanıstan komandası ilk finalında ilk Avropa kubokunu qazanıb.

"Fiorentina" azarkeşləri isə Konfrans Liqasının 2022-23-cü il finalında "Vest-Hem"ə məğlub olduqdan sonra, ardıcıl ikinci mövsüm üçün bir daha məyus olublar. Italiano çox güman ki, bu finaldan sonra klubu tərk edəcək, "Fiorentina" isə İtaliya A Seriyasında səkkizinci yeri tutduqdan sonra növbəti mövsümdə yenidən eyni yarışda oynayacaq. 

“Fiorentina”nın məğlubiyyəti həm də İtaliyanın növbəti mövsümdə avrokuboklarda səkkiz komandasının iştirak edəcəyi anlamına gələcək. “İnter”, “Bolonya”, “Milan”, “Yuventus” və “Atalanta” Çempionlar Liqasında, “Roma” və “Latsio” isə Avropa Liqasında, “Fiorentina” isə ardıcıl üçüncü mövsümdür yenidən Konfrans Liqasında çıxış edəcək.

29 may

Konfrans Liqası, final

23:00. "Olimpiakos" (Yunanıstan) - "Fiorentina" (İtaliya) - 1:0

Qol: Kaabi, 116

Baş hakim: Artur Diaş

Afina, "AEK Arena"