“Beşiktaş” pley-off mərhələsində

UEFA Konfrans Liqasının III təsnifat mərhələsinin cavab oyunlarına start verilib.

90deqiqe.Az-ın məlumatına görə, Türkiyənin “Beşiktaş” klubu doğma meydanda İrlandiyanın "St.Patriks” komandası ilə qarşılaşıb.

2:0 geriyə düşməsinə baxmayaraq İstanbul təmsilçisi görüşdə əzmkar qələbə qazanıb.

“Beşiktaş”ın qələbə qollarını 43-cü dəqiqədə Demir Ege, 49-cu dəqiqədə Tami Abraham və 79-cu dəqiqədə Joao Mariyo vurub. Qonaqların qollarını isə 3-cü dəqiqədə Darti penaltidən və 34-cü dəqiqədə Maklauhlin qeyd edib.

"Qara qartallar" pley-off mərhələsində İsveçrənin "Lausanne-Sport" klubu üz-üzə gələcək.