“Bu anlar ömrüm boyu yaddaşımda qalacaq”

İngiltərə “Kristal Pelas” klubunun qapıçısı Din Henderson komandasının Konfrans Liqası finalında “Rayo Valyekano” üzərində qazandığı qələbəni şərh edib.

90deqiqe.Az-ın məlumatına görə, təcrübəli oyunçu bildirib ki, mövsümdə artıq 60-cı oyuna çıxmalarına baxmayaraq, finalda bütün komanda yüksək əzmkarlıq göstərib və onu heyran qoyub.

 “Bu anlar ömrüm boyu yaddaşımda qalacaq. Hər şey inanılmaz idi”, – deyə o vurğulayıb.

Qapıçı qeyd edib ki, London klubu həlledici matçda ən yaxşı oyunlarından birini nümayiş etdirib.

Xatırladaq ki, “Kristal Pelas” finalda “Rayo Valyekano”nu 1:0 hesabı ilə məğlub edib. Yeganə qolu ikinci hissənin əvvəlində Mateta vurub.

Bu nəticə ilə “Kristal Pelas” Konfrans Liqasının qalibi olub və növbəti mövsümdə Avropa Liqasında çıxış edəcək.