"Zirə"nin qələbəsi Azərbaycana reytinq xalları qazandırdı

"Zirə" UEFA Konfrans Liqasındakı qələbəsi ilə Azərbaycanın UEFA reytinqindəki əmsalını artırıb.

90deqiqe.Az xəbər verir ki, bu, Rəşad Sadıqovun komandasının UEFA Konfrans Liqasının I təsnifat mərhələsinin ilk oyununda Gürcüstanın "Torpedo" klubunu 3:0 hesabı ilə məğlub etməsi sayəsində mümkün olub.

Qələbə Azərbaycanın aktivinə daha 0,250 əmsal qazandırıb. Bundan əvvəl UEFA Çempionlar Liqasının I təsnifat mərhələsində Uelsin TNS komandasını 2:0 hesabı ilə məğlub edən "Sabah" da ölkəyə eyni həcmdə reytinq xalı qazandırmışdı.

Hazırda Azərbaycan UEFA reytinqində 19,062 əmsalla 26-cı pillədə qərarlaşıb. Ölkəmizi 18,250 əmsalla Slovakiya izləyir. 25-ci sırada isə 20,750 əmsalla İsrail yer alır.

Qeyd edək ki, UEFA ölkə reytinqinə 101,852 əmsalla İngiltərə başçılıq edir.