"Neftçi" qalib gəlsə də, Konfrans Liqası ilə vidalaşdı

Azərbaycanı UEFA Konfrans Liqasında təmsil edən "Neftçi" II təsnifat mərhələsində mübarizəni başa vurub.

90deqiqe.Az xəbər verir ki, "ağ-qaralar" cavab oyununda Belarusun "Dinamo" (Minsk) komandası ilə üz-üzə gəlib. Bolqarıstanın Beroe şəhər stadionunda keçirilən qarşılaşma Bakı klubunun 1:0 hesablı qələbəsi ilə yekunlaşıb.

Görüşdə yeganə qolu 13-cü dəqiqədə braziliyalı hücumçu Breno Almeyda vurub.

Bununla belə, Samir Abasovun komandası ilk oyunda Bakıda 2:4 hesabı ilə məğlub olduğundan iki oyunun nəticəsinə əsasən (3:4) rəqibinə uduzub və UEFA Konfrans Liqası ilə erkən vidalaşıb.