"Qarabağ"ın Konfrans Liqasının pley-off mərhələsindəki potensial rəqibi müəyyənləşdi

"Qarabağ" klubunun UEFA Konfrans Liqasının pley-off mərhələsindəki potensial rəqibi bəlli olub.

90deqiqe.Az-ın məlumatına görə, İsveçrənin Nyon şəhərində keçirilən püşkatma mərasimində Ağdam təmsilçisinin mümkün rəqibi müəyyənləşib. "Qarabağ" UEFA Konfrans Liqasının III təsnifat mərhələsində Ukrayna təmsilçisi "Dinamo"nu (Kiyev) mübarizədən kənarlaşdıracağı təqdirdə, pley-off mərhələsində Niderlandın "Tvente" və Slovakiyanın DAK 1904 komandaları arasındakı cütün qalibi ilə qarşılaşacaq.

Qeyd edək ki, UEFA Konfrans Liqasının pley-off mərhələsinin ilk oyunları avqustun 20-də, cavab görüşləri isə avqustun 27-də keçiriləcək.