- Konfrans liqası
- 23:02 27.08.2026
“Qarabağ” UEFA Konfrans Liqasında mübarizəni dayandırıb.
90deqiqe.Az-ın məlumatına görə, Qurban Qurbanovun baş məşqçisi olduğu komanda pley-off mərhələsinin cavab oyununda Niderlandın “Tvente” klubunu qəbul edib.
Tofiq Bəhramov adına Respublika Stadionunda keçirilən qarşılaşmanın əsas vaxtında qonaqlar 2:1 hesabı ilə qalib gəliblər.
“Qarabağ”ın heyətində Kadi Borges 59-cu dəqiqədə hesabı açıb. “Tvente” 80-ci dəqiqədə Marko Pyatsanın qolu ilə bərabərliyi təmin edib. Əsas vaxta əlavə olunmuş 2-ci dəqiqədə isə Maks Bryuns Niderland təmsilçisini önə keçirib.
İlk oyunda səfərdə 1:0 hesabı ilə qalib gələn “Qarabağ”ın növbəti mərhələyə adlamaq şansı əlavə vaxtda da davam edib.
Lakin 94-cü dəqiqədə Vaut Veqorst hesabı 3:1-ə çatdırıb. 106-cı dəqiqədə Marko Yankoviç qırmızı vərəqə alaraq Ağdam klubunu azlıqda qoyub. 115-ci dəqiqədə Yunes Taha “Tvente”nin dördüncü qolunu vuraraq görüşdə son nöqtəni qoyub.
Beləliklə, “Qarabağ” iki oyunun nəticəsinə əsasən 2:4 hesabı ilə məğlub olaraq UEFA Konfrans Liqasında mübarizəni başa vurub.
Bununla da Ağdam klubunun ardıcıl 12 mövsüm davam edən avrokubokların əsas mərhələsində iştirak seriyası qırılıb.
