Salah “Trabzonspor”da ardıcıl üçüncü oyunda qol vurdu

Misirli hücumçu Məhəmməd Salah yeni klubu “Trabzonspor”un heyətində qol vurmaqda və məhsuldar ötürmələr verməkdə davam edir.

90deqiqe.Az xəbər verir ki, UEFA Konfrans Liqasının qrup mərhələsi çərçivəsində cümə axşamı “Trabzonspor” doğma meydanda “Hart of Midlothian” klubunu qəbul edib. Qarşılaşmanın ilk hissəsi başa çatarkən Türkiyə təmsilçisi Salahın qolu sayəsində 1:0 hesabı ilə öndə olub.

Misirli futbolçu “Trabzonspor”un heyətində ardıcıl üçüncü rəsmi matçda fərqlənib. O, son beş oyunun yalnız birində qol vura bilməyib. Bununla belə, Salah son beş qarşılaşmanın hər birində ən azı bir məhsuldar hərəkətlə yadda qalıb.

Qeyd edək ki, Salah “Trabzonspor”un forması ilə keçirdiyi son səkkiz matçın yalnız birində qol və ya məhsuldar ötürmə ilə yadda qala bilməyib.