“Trabzonspor” Konfrans Liqasında ardıcıl ikinci qələbəsini qazandı

UEFA Konfrans Liqasının ikinci turunda “Trabzonspor” doğma meydanda Şotlandiyanın “Hart of Midlothian” komandasını 2:0 hesabı ilə məğlub edib.

90deqiqe.Az xəbər verir ki, “Papara Park”da keçirilən görüşdə Türkiyə təmsilçisinin qollarını Məhəmməd Salah və Frankulino Dju vurublar. Djuya məhsuldar ötürmə verən Salah matçı bir qol və bir assistlə başa vurub.

Qarşılaşmada “Hart of Midlothian”ın futbolçusu Kabral iki sarı vərəqə alaraq meydandan qovulub və komandasını azlıqda qoyub.

Qeyd edək ki, bu qələbə ilə Konfrans Liqasında ardıcıl ikinci qələbəsini qazanan “Trabzonspor” xallarının sayını 6-ya çatdırıb. “Hart of Midlothian” isə 1 xalla kifayətlənib.