“Monako” “Frayburq”u üç cavabsız qolla məğlub etdi

 UEFA Konfrans Liqasında “Monako” ilə Almaniyanın “Frayburq” komandası arasında keçirilən qarşılaşma başa çatıb.

90deqiqe.Az-ın məlumatına görə, Fransa təmsilçisi rəqibini 3:0 hesabı ilə məğlub edib. 

Görüşün ilk hissəsi qarşılıqlı mübarizə şəraitində keçib. Komandalar uzun müddət hesabı aça bilməsələr də, fasilə ərəfəsində meydan sahibləri istəyinə nail olublar. Matçın 45-ci dəqiqəsində Paris Brunner fərqlənərək “Monako”nu hesabda önə keçirib.

İkinci hissədə “Frayburq” hesabı bərabərləşdirmək üçün cəhdlər etsə də, almaniyalıların hücumları nəticəsiz qalıb.

Qarşılaşmanın 83-cü dəqiqəsində Lamin Kamara “Monako”nun ikinci qolunu vurub. Əlavə olunmuş dəqiqələrdə isə Ansu Fati fərqlənərək matçın yekun hesabını müəyyənləşdirib — 3:0.

Beləliklə, “Monako” UEFA Konfrans Liqasında inamlı qələbəyə imza atıb.