1 mart 2024. Cümə

"Qəbələ"nin DODOsu indi haradadır? - ÖZƏL ARAŞDIRMA


  • Media
  • 23:15 09.02.2024
  • Oxunma sayı: 221
"Qəbələ"nin DODOsu indi haradadır? - ÖZƏL ARAŞDIRMA

2011-ci ilin yayında Azərbaycan Premyer Liqa təmsilçisi "Qəbələ" 77 formalı yeni transferini ictimaiyyətə təqdim etdi. Əksər futbolçu kimi ilk başlarda heç kimin önəmsəmədiyi braziliyalı forvard bölgə klubunun uğurları üçün 2016-cı ilə qədər vuruşdu və üstəlik 160-dan çox oyunda meydanda olub, 30-dan çox qol atdı, Həm sağ, həm sol, həm də hücumun önündə oynamağı bacaran Luiz Paulo Hilario qısaca olaraq DODO  2015/2016-ci illər mövsümünün əvvəlində UEFA Avropa Liqasının pley-off mərhələsində Yunanıstanın adlı-sanlı kollektivi "Panatinaikos"u elə öz stadionunda meydandan sildi. Həmin dövrdə səfərdə "Panatinaikos"a 2 qol vuran Dodo "Qəbələ"ni tarixdə ilk dəfə UEFA Avropa Liqasının qrup mərhələsinə daşıdı. Bəs braziliyalı Dodo indi hardadır?

90deqiqe.az məşhur "transfermarkt" portalına istinadən xəbər verir ki, 2016-ci ilin yayında "Qəbələ"ni doğma ölkəsinin "Joinvil" klubuna dəyişən Dodo cəmi 1 il sonra Yunanıstanın "Larisa" kollektivi ilə müqavilə imzalayıb. Aşağı dəstə təmsilçisində cəmi 9 matça çıxan Dodo 2018-ci ildə azad agent statusu ilə yenidən Braziliyaya dönüb. Bu dəfə "Penapolense" komandasına. Burada cəmi 12 gün məşqlərdə iştirak edən Luis Hilario qarşlıqlı razılıq əsasında klubu tərk edib. 1 il futboldan uzaq qalan Dodo 2019-cu ilin qışında Lativa təmsilçi "Lipeya" komandası ilə müqavilə imzalayıb. 

Yenidən özündə güc yapan Dodo 2020-ci ildə Latvia kubokunda çempion olmaqla yanaşı, 2020,2021 və 2022-ci illərdə "Lipeya"ın ən sərrast futbolçusu olub.

Hazırda 36 yaşlı futbolçu rotasiya oyunçusu sayılsa da, Latviada 130-a yaxın oyun keçirib və 58 qol vurub.

 




Media