Rəqibləri təhlil etməyə vaxtımız olacaq - Yohan Valem

Kipr millisinin baş məşqçisi Yohan Valem UEFA Millətlər Liqasının püşkünü dəyərləndirib.
 
Corner.az xəbər verir ki, o, Kipr Futbol Federasiyasının saytına açıqlamasında Azərbaycan, Lüksemburq və Monteneqro ilə birgə C liqasının 1-ci qrupunda yer almaları ilə bağlı deyib:

 
“Püşkatmanın nəticəsi çox maraqlı oldu. Bir neçə gündən sonra yoldaşlıq görüşündə üz-üzə gələcəyimiz Lüksemburqla düşdük. Onları həmin matçda görmək imkanımız olacaq. Püşkatma barədə müsbət düşünməliyik. Rəqiblərimizi izləməyə, təhlil aparmağa kifayət qədər vaxtımız olacaq. Bizim üçün iş indi başlayır. Sentyabr ayına qədər keçirəcəyimiz 4 yoldaşlıq oyunundan maksimum yararlanmaq və heyətlə bağlı seçimi düzgün aparmaq istəyirik".(qol)