Lovren cəzalandırıldı

UEFA Xorvatiya millisinin futbolçusunu Sergio Ramosu təhqir etdiyinə görə cəzalandırıb.

Corner.az xəbər verir ki, Avropanın ali futbol qurumu Millətlər Liqasının qrup mərhələsi çərçivəsində keçirilən Xorvatiya - İspaniya oyunundan sonra sosial şəbəkədə təhqir dolu ifadələr işlədən Dejan Lovreni cəzalandırıb. Xorvatların 3:2 hesablı qələbəsi ilə başa çatan matçdan sonra İspaniya millisinin kapitanı Sergio Ramosu hədəfə alan Lovren, 1 oyunluq cəza alıb.

Liverpool'da forma geyinən 29 yaşlı müdafiəçi, oyundan sonra “instagram” hesabı vasitəsilə etdiyi paylaşımda, “3:2. Çıx və mətbuat konfransında danış, həmkarım. Nə həmkar?! Alçaqlar dəstəsidir” sözlərini işlətmişdi.

Qeyd edək ki, Xorvatiya millisi AÇ-2020-nin seçmə mərhələsində Azərbaycan yığmasının rəqibidir. (komanda.az)