Azərbaycan millisinin UEFA Millətlər Liqasındakı rəqiblərindən olan futbol üzrə Lüksemburq yığması yoxlama oyunu keçirib.
Corner.az xəbər verir ki, Lyuk Holtsunun kollektivi Almaniyanın 3-cü Bundesliqa təmsilçisi "Saarbrükken"lə üz-üzə gəlib.
“Jozi Bartel" stadionunda keçirilən matçda qalib müəyyənləşməyib. Komandalar meydanı qolsuz tərk ediblər - 0:0.
Qeyd edək ki, Azərbaycan millisi C Liqasının 1-ci qrupunda ilk oyununu sentyabrın 5-də Bakıda məhz Lüksemburqa qarşı keçirəcək. Bu rəqiblər arasındakı ikinci qarşılaşma isə noyabrın 17-də Lüksemburqda baş tutacaq. Bu qrupda Monteneqro və Kipr milliləri də yer alıblar.