Belçika yığmasının və “Real”ın qapıçısı Tibo Kurtuada koronavirus aşkarlanıb.
Corner.az xəbər verir ki, bu barədə Belçika mətbuatı məlumat yayıb.
Hazırda UEFA Millətlər Liqasının oyunları ilə əlaqədar ölkəsində yığmasının düşərgəsində olan təcrübəli qolkiperin koronavirus testi müsbət çıxıb. Bu səbəbdən də 29 yaşlı qapıçı karantinə alınıb. Ondan təkrar analizlərin götürüləcəyi bildirilir.
Qeyd edək ki, Tibo millinin heyətindən çıxarılmayıb
