Almaniya darmadağın oldu, Fransa və Portuqaliyadan qələbə

 UEFA Millətlər Liqasında qrup mərhələsinin sonuncu turun oyunlarına start verilib.

Corner.az xəbər verir ki, ilk oyun günündə 8 qarşılaşma keçirilib.

C Liqasının 1-ci qrupunda yer alan Azərbaycan yığması da son oyununa bu gün çıxıb. Canni De Byazinin rəhbərlik etdiyi yığmamız  səfərdə Lüksemburqla qolsuz bərabərliyə razılaşıb. Qrupun digər matçında Kipr Monteneqro ilə üz-üzə gəlib. Bu oyunda darmadağınla qalib gələn Monteneqro qrup qalibi olmaqla B liqasına yüksəlib.

A Liqasının 4-cü qrupunda İspaniya öz meydanında Almaniyanı qəbul edib. Almaniya yığması məğlub olmayacağı halda, qrupu lider olaraq bitirəcəkdi. Lakin İspaniya bu komandanı 6 cavabsız qolla darmadağın edib. Qrupun digər oyununda Ukrayna ilə İsveçrə yığmaları üz-üzə gəlməli olsa da, bu görüş koronavirusa görə keçirilməyib.

A Liqasının 3-cü qrupunda Xorvatiya – Portuqaliya və Fransa – İsveç matçları keçirilib. Bol qollu bu görüşdə Portuqaliya və Fransa yığmaları qələbə qazanıb.

Qeyd edək ki, qrup mərhələsinə noyabrın 18-də yekun vurulacaq.

UEFA Millətlər Liqası
Qrup mərhələsi
17 noyabr

A liqası, 3-cü qrup

Xorvatiya – Portuqaliya 2:3
Qol: Qol: Kovaçiç, 29; 65 – R.Dias, 52; 90+1. J.Feliks, 61.

Fransa – İsveç 4:2
Qol: Jiru, 17; 59. Pavar, 38. Koman, 90+5 – Klaesson, 5. Kayson, 88.

Fransa – 16, Portuqaliya – 13, Xorvatiya – 3, İsveç – 3.

A liqası, 4-cü qrup

İspaniya – Almaniya 6:0
Qol: Morata, 17. F.Torres, 33; 55; 71. Rodri, 38. Oyarzabal, 89.

İsveçrə – Ukrayna matçı təxirə salınıb

İspaniya – 11, Almaniya – 9, Ukrayna – 6, İsveçrə – 3.

C liqası, 1-ci qrup

Monteneqro – Kipr
Qol: Yovetiç, 14. Bolyeviç, 25; 28. Muqoşa, 60.

Lüksemburq – Azərbaycan 0:0

Monteneqro – 13, Lüksemburq – 10, Azərbaycan – 6, Kipr – 4.

D liqası, 1-ci qrup

Andorra – Latviya 0:5
Qol: Çernomordiys, 6. İkaunieks, 57; 60. Qutkovski, 70-pen. Krollis, 90-pen.

Malta – Farer adaları 1:1
Qol: Guillaumye, 54 – Yonsson, 70.

Farer adaları – 12, Malta – 9, Latviya – 7, Andorra – 2.

D liqası, 2-ci qrup

Cəbəllütariq – Lixtenşteyn 1:1
Qol: Frommelt, 17-öz qapısına – Frik, 44.

Cəbəllütariq – 8, Lixtenşteyn – 5, San Marino – 2.