UEFA Millətlər Liqasında final mərhələsinin oyunlarına start verilib. Corner.az xəbər verir ki, A liqasında qrup qaliblərinin qatıldığı “Dördlər finalı”nda İtaliya, İspaniya, Belçika və Fransa yığmaları mübarizə aparır.
Yarımfinalın ilk oyununda son Avropa çempionu İtaliya İspaniya ilə üz-üzə gəlib. Milanın "San-Siro" stadionunda keçirilən görüşdə ispanlar inamlı qələbə qazanıb.
Digər yarımfinal görüşü oktyabrın 7-də Belçika və Fransa yığmaları arasında olacaq. Oktyabrın 10-da isə final və 3-cü yer uğrunda oyunlar keçiriləcək. Bütün matçlar İtaliyada gerçəkləşəcək.
Qeyd edək ki, ikinci dəfə təşkil olunan "Dördlər final"ının ilk qalibi Portuqaliya millisi olub.
UEFA Millətlər Liqası, final mərhələsi
Yarıminal
İtaliya - İspaniya 1:2
Qol: L.Pelleqrini, 83 - F.Torres, 17; 45+1.
Qırmızı vərəqə: L.Bonuççi, 42.
Hakimlər: Sergey Karasyov, İqor Demeşko, Maksim Qavrilin (Rusiya)
Milan. "San-Siro" stadionu.