Mançini İspaniyaya məğlubiyyəti şərh etdi

İtaliya milli komandasının baş məşqçisi Roberto Mançini Millətlər Liqasının yarımfinalında İspaniyaya məğlub olduqları oyundan sonra fikirlərini bildirib.

Corner.az UEFA-nın mətbuat xidmətinə istinadən xəbər verir ki, 56 yaşlı mütəxəssis, 1:2 hesabıyla bitən oyunla bağlı bunları deyib:

“Futbol belədir. Bəzən xırda detallar nəticəni həll edir. İlk hissədə hesabı 1:1 edə bilərdik. İspaniya millisi texniki və taktiki cəhətdən çox yaxşı hazırlanmışdı. Tam gücündə olsan belə, onlardan topu almaq çətindir. Buna görə də meydanda nələrin olduğunu təsəvvür edə bilərsiz. Düşünürəm ki, futbolçularım bütün tapşırıqları yerinə yetirməyə çalışdılar”.