Mbappe və Benzema möhtəşəm iş gördü

Fransa milli komandasının futbolçusu Antuan Qrizmann Millətlər Liqasının yarımfinalında Belçikaya qalib gəldikləri oyundan (3:2) sonra fikirlərini bildirib.

Corner.az xəbər verir ki, 30 yaşlı hücumçu, 2:3 hesabı ilə qələbə qazandıları matçla bağlı bunları deyib:

“Qürurlu komandamız və məşqçilərimiz var. Fasilədə lazımi şeyləri danışdıq və oyuna çıxdıq. Kilian Mbappe və Kərim Benzema möhtəşəm iş gördü. Fasilədə hiss etdik ki, ikinci hissədə nələrsə dəyişəcə biləcəyik. Və bunu da bacardıq. İndi qarşıda final var. Bu matça da yaxşı hazırlaşmalıyıq”.

Fransa millisi Millətlər Liqasının finalında İspaniya ilə qarşılaşacaq. Oyun oktyabrın 10-da keçiriləcək.