UEFA Millətlər Liqası finalının ən yaxşı futbolçusu bilindi

Fransanın yığmasının hücumçusu Kerim Benzema UEFA Millətlər Liqasının final matçının İspaniya milli komandası ilə qarşılaşmasının (2:1) ən yaxşı oyunçusu seçilib.

Corner.az xəbər verir ki, bu barədə UEFA-nın mətbuat xidməti bildirib.

33 yaşlı futbolçu yarışın finalında komandasının ilk qolunu vurub.

Hesabı 64-cü dəqiqədə İspaniya yığmasından Mikel Oyarsabal açıb. Bundan cəmi 2 dəqiqə sonra Kərim Benzema bərabərlik qolunu vurub. Qarşılaşmanın 80-ci dəqiqəsində isə Kilian Mbappe Fransa yığmasının qələbə qolunu vurub.

Qeyd edək ki, Fransa tarixdə ikinci dəfə Millətlər Liqasının qalibi olub. İlk qalib adını 2019-cu ildə Portuqaliya yığması qazanıb.