Azərbaycan millisini yaxşı tanıyırıq

"Qrupdakı rəqiblərlə daha əvvəl qarşılaşmışıq. Deyə bilərik ki, onların hamısı keçmiş SSRİ ölkələridir".

Corner.az-ın məlumatına görə, bu fikirləri Slovakiya yığmasının kapitanı Marek Hamşik UEFA Millətlər Liqasının püşkatmasının nəticəsini dəyərləndirərkən deyib.

 34 yaşlı futbolçu Belarus və Azərbaycan yığmalarını yaxşı tanıdıqlarını bildirib: "Bu 3 kollektiv bir-birinin oyununa bələddir. Qrupda tanımadığımız yeni rəqib yer alacaq. Bu ya Qazaxıstan, ya da Moldova millisi olacaq. Münasib qrupa düşdüyümüzü düşünürəm. Biz mütləq favoritik və 1-ci yer uğrunda mübarizə aparacağıq".

Qeyd edək ki, Slovakiya yığması C Liqasında Azərbaycan, Belarus və Qazaxıstan-Moldova cütünün qalibi ilə birlikdə 3-cü qrupda mübarizə aparacaq.