UEFA Millətlər Liqasında pley-off oyunları keçirilib. Corner.az xəbər verir ki, ötən mövsüm C Liqasında öz qruplarını sonuncu pillədə başa vurmuş 4 komanda – Estoniya, Kipr, Moldova və Qazaxıstan D Divizionuna düşməmək uğrunda mübarizə aparıb.
Saat 21:00-da başlayan oyunlarda Estoniya millisi Kiprlə, Moldova yığması isə Qazaxıstanla üz-üzə gəlib.
Estoniyadakı matçda qapılara qol vurulmayıb. Moldovadakı görüşdə isə hesabı meydan sahibləri açsalar da ikinci hissədə iki qol vurmağı bacaran qazaxlar əzmkar qələbə qazanıb. Cavab matçları martın 29-da keçiriləcək.
Moldova – Qazaxıstan cütünün qalibi C Liqasında Azərbaycan, Slovakiya və Belarusun yer aldığı 3-cü qrupa, məğlubu isə D Liqasında Andorra, Latviya və Lixtenşteynin mübarizə aparacağı 1-ci qrupa düşəcək.
Estoniya – Kipr cütünün güclüsü C Liqasında Şimali İrlandiya, Yunanıstan və Kosovo, məğlubu isə D Liqasında San-Marino və Malta ilə birlikdə 2-ci qrupda yer alacaq.
UEFA Millətlər Liqası
Pley-offun ilk oyunları
24 mart
Moldova – Qazaxıstan 1:2
Qol: Nikolaesku, 45+1 – Malıy, 64. Posmak, 79-öz qapısına.
Estoniya – Kipr 0:0