Azərbaycanın necə komanda olduğunu söyləmək çətindir

"Yığmaların oyunlarını izləmədiyim üçün Slovakiya və Azərbaycanın necə komanda olduğunu söyləmək mənim üçün çətindir".

Corner.az-ın məlumatına görə, bunu Qazaxıstanın "Ordabası" klubunun belaruslu futbolçusu Vsevolod Sadovski "Metara-ratings.kz" saytına açıqlamasında UEFA Millətlər Liqasında ölkəsinin də yer aldığı C Liqasının 3-cü qrupundakı komandaları dəyərləndirərkən deyib.

25 yaşlı hücumçu bildirib ki, oyunlarla bağlı proqnoz verə bilmir: "Belarus və Qazaxıstana gəlincə, iki yığma arasındakı görüşlər çox maraqlı və prinsipial olacaq. Hər iki kollektivi çətin mübarizə gözləyir".

Qeyd edək ki, 3-cü qrupda Azərbaycan, Qazaxıstan, Belarus və Slovakiya seçməsi mübarizə aparacaq.