UEFA Millətlər Liqasında Azərbaycanla eyni qrupda yer alan Qazaxıstan millisi daha bir ciddi itki ilə üzləşib. Corner.az xəbər verir ki, qazaxların yarımmüdafiəçisi Azat Nurqaliyev zədələnib. “Turan”ın kapitanı dizindən aldığı zədə səbəbindən uzun müddət komandadan ayrı qalacaq. 35 yaşlı futbolçunun mövsümü başa vurmaq riski olduğu gözlənilir. Bu isə o deməkdir ki, Nurqaliyev Millətlər Liqasının ilk oyunlarında iştirak etməyəcək.
Qazaxıstan yığması C Liqasının 3-cü qrupundakı ilk oyununu iyunun 3-də Azərbaycan millisinə qarşı keçirəcək. Həmin görüş “Astana Arena”da baş tutacaq.
Qazaxıstan yığmasının müdafiəçisi Nurlan Dairov da zədə ucbatından Azərbaycan millisiylə oyunu buraxacaq.
