UEFA Millətlər Liqasında Azərbaycanla eyni qrupda yer alan Qazaxıstan millisi daha bir ciddi itki ilə üzləşib.
Corner.az-ın yerli mətbuata istinadən məlumatına görə, "Akjayık" klubunda çıxış edən hücumçu Oralxan Omirtayev sıradan çıxıb. 23 yaşlı hücumçu "Taraz"a 0:2 hesabı ilə uduzduqları Qazaxıstan çempionatının XI tur matçında zədələnib.
Omirtayevin yaşıl meydanlara qayıdacağı vaxt açıqlanmasa da, onun zədəsinin ciddi olduğu və yığmanın iyundakı görüşlərini buraxacağı bildirilib.
Qazaxıstan yığması C Liqasının 3-cü qrupundakı ilk oyununu iyunun 3-də Azərbaycan millisinə qarşı keçirəcək. Həmin görüş “Astana Arena”da baş tutacaq.
