Azərbaycan millisinin UEFA Millətlər Liqasındakı rəqibi Qazaxıstan yığması komandamızla matçdan öncə yoldaşlıq oyunu keçirib. Corner.az xəbər verir ki, Qazaxıstan millisi “Astana Arena”da ölkənin U-21 komandası ilə üz-üzə gəlib.
Qarşılaşma əsas yığmanın 4:1 hesablı qələbəsi ilə başa çatıb. Qazaxıstan yığmasının qollarını dubl edən Aleksandr Maroçkin (29, 45), eləcə də Maksim Samorodov (47) və Aleksey Şetkin (81-pen.) vurublar.
Qazaxıstan - Azərbaycan oyunu iyunun 3-də "Astana Arena"da keçiriləcək. Qarşılaşmaya Bakı vaxtı ilə saat 18:00-da start veriləcək.
