İspaniyadan Portuqaliya ilə heç-heçə

Bu gün UEFA Millətlər Liqasının 1-ci turu çərçivəsində daha 10 oyun keçirilib. Corner.az xəbər verir ki, A Liqasında 2, B Liqasında 3, C Liqasında 4, D Liqasında isə 1 matç baş tutub.

Günün mərkəzi görüşü İspaniya və Portuqaliya komandaları arasında olub. Tərəflər bu oyundan hərəyə 1 qol və 1 xalla ayrılıblar. A Liqasının 2-ci qrupunun digər matçında Çexiya İsveçrəni qəbul edib və inamlı qələbə qazanıb.

B Liqasının 2-ci qrupunda İsrail evdə İslandiya ilə üz-üzə gəlib. Dörd qolun qeydə alındığı matçda qalib müəyyənləşməyib. B Liqasının 4-cü qrupunda Sloveniya evdə İsveçə,  Serbiya isə Norveçə məğlub olub. 

C Liqasının 2-ci qrupunda Kipr Kosovo'yla, Şimali İrlandiya isə Yunanıstanla qarşılaşıb. Hər iki görüşdə qonaqlar qələbə qazanıb.

C Liqasının 4-cü qrupunda Bolqarıstan Şimali Makedoniya ilə üz-üzə gəlib. Bu görüşdə qalib müəyyənləşməyib. Gürcüstan doğma meydanda Cəbəllütariq üzərində darmadağına sevinib.

D Liqasının 2-ci qrupunda San Marino səfərdə Estoniyanın qonağı olub və məğlubiyyətlə üzləşib 

UEFA Millətlər Liqası
1-ci tur
2 iyun

A Liqası, 2-ci qrup

İspaniya – Portuqaliya 1:1
Qol: Morata, 25 – Horta, 82.

Çexiya – İsveçrə 2:1
Qol: Kuxta, 11. Sou, 58-öz qapısına – Okafor, 44.

B Liqası, 2-ci qrup

İsrail – İslandiya 2:2
Qol: Abada, 25. Veysmann, 84 – Helqason, 42. Siqurdsson, 53.

B Liqası, 4-cü qrup

Sloveniya – İsveç 0:2
Qol: Forsberq, 39. Kuluşevski, 88.

Serbiya – Norveç 0:1
Qol: Haland, 26.

C Liqası, 2-ci qrup

Kipr – Kosovo 0:2
Qol: Berişa, 65. Jeqrova, 78.

Şimali İrlandiya – Yunanıstan 0:1
Qol: Bakasetas, 39.

C Liqası, 4-cü qrup

Bolqarıstan – Şimali Makedoniya 1:1
Qol: Despodov, 13 – Ristovski, 50.

Gürcüstan – Cəbəllütariq 4:0
Qol: Kvaratsxeliya, 12. Kaşiya, 33. Mikautadze, 87. Vako, 88.

D Liqası, 2-ci qrup

Estoniya – San Marino 2:0
Qol: Kirss, 24. Tamm, 32.