Barselona'nın futbolçusu millinin tarixinə düşdü

İspaniya millisinin futbolçusu Qavi milli komandanın tarixinə düşüb.

Corner.az-ın məlumatına görə, "Barselona" klubunda çıxış edən yarımmüdafiəçi buna Çexiya ilə 2:2 hesablı heç-heçə etdikləri UEFA Millətlər Liqasının qrup mərhələsinin II tur oyununda nail olub.

45+3-cü dəqiqədə komandasının ilk qolunu vuran Qavi yığmada ən gənc yaşda bunu bacaran oyunçu adına yiyələnib. O, 17 yaş 304-cü günündə buna müvəffəq olub.

Qavi, 2020-ci ilin sentyabrında Millətlər Liqası matçında Ukraynaya 17 yaş 311-ci günündə qol vuran Ansu Fatinin rekordunu təzələyib.

Qeyd edək ki, Qavi 2021-ci ildə İspaniya millisində debüt edib.