Millətlər Liqası: Azərbaycan millisi ilk xalını qazandı

Azərbaycan millisi bu gün UEFA Millətlər Liqasının qrup mərhələsində növbəti oyununa çıxıb. Corner az xəbər verir ki, Canni De Byazinin rəhbərlik etdiyi komanda Serbiyada Belarusla qarşılaşıb.

Novi Sad şəhərindəki “Karadjordje” stadionunda keçirilən matçı isveçli hakimlər idarə edib. Oyunda isw qapılara qol vurulmayıb.

Matçın sonlarında Azərbaycan yığmasının müdafiəçisi Qismət Alıyev birbaşa qırmızı vərəqə alaraq meydandan qovulub. 

3-cü qrupun digər oyunu Slovakiya və Qazaxıstan yığmaları arasında keçirilib. Qazaxlar bu matçda 1:0 hesabı ilə  qalib gəlib.

Xatırladaq ki, Azərbaycan yığması ilk turda səfərdə Qazaxıstana 0:2 hesabı ilə uduzmuşdu. Belarus kollektivi isə Serbiyada Slovakiyaya minimal hesabla məğlub olmuşdu – 0:1.

UEFA Millətlər Liqası
C Liqası, 3-cü qrup
6 iyun

Belarus – Azərbaycan 0:0
Qırmızı vərəqə: Q.Alıyev, 84.
Baş hakim: Məhəmməd Əl-Hakim.
Serbiya. Novi Sad. “Karadjordje” stadionu.