Portuqaliya uduzdu, İspaniyadan qələbə

Bu gün UEFA Millətlər Liqasında 4-cü turun oyunlarına start verilib. Corner.az xəbər verir ki, ilk oyun günündə 9 matç baş tutub.

A Liqasının 2-ci qrupunda xalsız qalan İsveçrə evdə lider Portuqaliyanı qəbul edib və minimal hesabla qələbə qazanıb. Qrupun digər görüşündə İspaniya evdə Çexiya ilə üz-üzə gəlib və  inamlı qələbə qazanıb.

B Liqasının 4-cü qrupunda lider Norveç İsveçi qəbul edib və çətin qələbə qazanıb. Serbiya isə son pillədəki Slovaniyanın qonağı olub. Dörd qolun qeydə alındığı bu oyunda qalib müəyyənləşməyib.

C Liqasındakı 2-ci və 4-cü qruplarda liderlər xal itkisi olmadan irəliləyirdilər. Yunanıstan 9 xalla liderlik etdiyi qrupda ən yaxın izləyicisi Kosovonu sınağa çəkib. Çətin qələbəyə sevinən meydan təmsilçisi vaxtından əvvəl qrup qalibi olub. Digər matçda hərəyə 1 xalla son iki pilləni bölüşən Şimali İrlandiya və Kipr qarşılaşıb. Dörd qolun qeydə alındığı bu görüşdə qalib müəyyənləşməyib.

Gürcüstan isə qrupunun qalibi olmaq üçün evdə Bolqarıstana qalib gəlməli və paralel görüşdə Şimali Makedoniyanın öz meydanında Cəbəllütariqlə oyunda xal itirməsini gözləməliydi. Amma gürcülərin uduzduğu gündə Şimali Makedoniya yığması da darmadağınla qalib gəlib.

3 komandalı D Liqasındakı görüşdə Malta San Marinoya qalib gələrək qrup lideri Estoniya ilə xallarını bərabərləşdirib.

UEFA Millətlər Liqası
Qrup mərhələsi, 4-cü tur
12 iyun

A Liqası, 2-ci qrup

İsveçrə – Portuqaliya 1:0
Qol: Seferoviç, 1.

İspaniya – Çexiya 2:0
Qol: Soler, 24. Sarabia, 75.

Xal durumu: İspaniya – 8, Portuqaliya – 7, Çexiya – 4, İsveçrə – 3.

B Liqası, 4-cü qrup

Norveç – İsveç 3:2
Qol: Haland, 10; 54-pen. Sorlot, 77 – Forsberq, 62. Qyokeres, 90+5.

Sloveniya – Serbiya 2:2
Qol: Çerin, 48. Sesko, 53 – Zivkoviç, 8. Mitroviç, 35.

Xal durumu: Norveç – 10, Serbiya – 7, İsveç – 3, Sloveniya – 2

C Liqası, 2-ci qrup

Şimali İrlandiya – Kipr 2:2
Qol: Makneyr, 71. Evans, 90+4 – Kakullis, 32; 51.

Yunanıstan – Kosovo 2:0
Qol: Qyakumakis, 71. Mantalos, 90+9.

Xal durumu: Yunanıstan – 12, Kosovo – 6, Şimali İrlandiya – 2, Kipr – 2

C Liqası, 4-cü qrup

Şimali Makedoniya – Cəbəllütariq 4:0
Qol: Bardi, 4. Torilla, 14-öz qapısına. Miovski, 16. Çurlinov, 31.

Gürcüstan – Bolqarıstan 0:0

Xal durumu: Gürcüstan – 10, Şimali Makedoniya – 7, Bolqarıstan – 3, Cəbəllütariq – 1

D Liqası, 2-ci qrup

Malta – San Marino 1:0
Qol: Muskat, 50.

Xal durumu: Estoniya – 6, Malta – 6, San Marino – 0.