Futbol üzrə UEFA Millətlər Liqasında qrup mərhələsinin 4-cü turunun oyunları keçirilir. Corner.az xəbər verir ki, bu gün Azərbaycan yığmasının yer aldığı C Liqasının 3-cü qrupunda da bir oyun baş tutub.
Qrup lideri Qazaxıstan doğma meydanda Slovakiya seçməsini qəbul edib. Üç qolun qeydə alındığı bu oyunda meydan sahibləri qələbəyə sevinən tərəf olub – 2:1. Qazaxıstan yığmasına qələbə qazandıran qolları 18-ci dəqiqədə Voroqovski və 39-cu dəqiqədə Astanov vurublar. Slovakiya yığmasının təsəlli qoluna isə 51-ci dəqiqədə Bero vurub.
Xatırladaq ki, qazaxlar Slovakiyanı səfərdə də 1:0 hesabıyla məğlub etmişdilər.
Bu nəticədən sonra xalını 10-a yüksəldən Qazaxıstan yığması əsas izləyicisindən bir qədər də uzaqlaşıb. İkinci pillədəki Slovakiyanın 6 xalı var.
Hazırda “Dalğa Arena”da 2 xala malik Belarus yığmasını qəbul edən Azərbaycan millisi isə 1 xalla sonuncu pillədə qərarlaşıb.
