Millimiz Belarusu məğlub yola saldı

Bu gün futbol üzrə Azərbaycan milli komandası UEFA Millətlər Liqasında növbəti oyununa çıxıb. Corner.az xəbər verir ki, Canni De Byazinin rəhbərlik etdiyi komanda evdə Belarus millisi ilə üz-üzə gəlib.

Bu komanda ilə Serbiyada baş tutan ilk oyunda qalib müəyyənləşməmişdi – 0:0. Yığmamız Qazaxıstanla səfər (0:2), Slovakiya ilə ev (0:1) oyunlarından da məğlub ayrılmışdı. Bu oyunda isə yığmamız həm qrup sonuncusu olmaqdan qurtulmaq, həm qələbə qazanmaq üçün çalışıb. Yekunda millimiz inamlı qələbə qazanıb

.

UEFA Millətlər Liqası
C Liqası, 3-cü qrup
13 iyun

Azərabaycan – Belarus 2:0
Qol: M.Emreli, 76. R.Şeydayev, 90+3.
Hakimlər: Anastasios Papapetru, Trifon Petropulos, İordanis Aptosoqlu, Georgios Tsovaras (hamısı Yunanıstan).
Bakı. “Dalğa Arena”.