- Millətlər liqası
- 23:18 17.10.2024
UEFA Millətlər Liqasında qrup mərhələsinin 4-cü turunun növbəti matçları keçirilib. Corner.az xəbər verir ki, ikinci oyun günündə A, B və C Liqaları çərçivəsində 5 görüş baş tutub.
A Liqasının 1-ci qrupunda lider Danimarka Avstriyanı, son pillədəki Fransa isə Xorvatiyanı qəbul edib. Danimarkadakı oyunda meydan sahibləri inamlı qələbə qazanıb. Əvvəlki oyunlarda qələbə üzünə həsrət qalan Fransa yığması isə bu oyunda da məğlubiyyətlə üzləşib.
Rusiyanın diskvalifikasiyası fonunda B Liqasının 2-ci qrupunda yeganə görüşündə İslandiya doğma meydanda lider İsraili qəbul edib. Dörd qolluq bu qarşılaşmada qalib müəyyənləşməyib.
C Liqasında 3-cü qrupun liderlik uğrunda matçında Qazaxıstan Slovakiyanı qəbul edib. Meydan sahibləri qələbə qazanaraq ən yaxın izləyicisindən 4 xal qabaqlayıb. Hesabında 1 xalı olan Azərbaycan millisi isə evdə son pillədən qurtulmaq üçün Belarusa qalib gəlməliydi. Nəticədə yığmamız buna inamlı qələbə qazanaraq nail olub.
UEFA Millətlər Liqası
Qrup mərhələsi, 4-cü tur
13 iyun
A Liqası, 1-ci qrup
Danimarka – Avstriya 2:0
Qol: Vind, 21. Olsen, 37.
Fransa – Xorvatiya 0:1
Qol: Modriç, 5-pen.
Xal durumu: Danimarka – 9, Xorvatiya – 7, Avstriya – 4, Fransa – 2
B Liqası, 2-ci qrup
İslandiya – İsrail 2:2
Qol: Torsteynsson, 9. Helqason, 60 – Qretarsson, 35-öz qapısına. Perets, 67.
Xal durumu: İsrail – 5, İslandiya – 3, Albaniya – 1
C Liqası, 3-cü qrup
Qazaxıstan – Slovakiya 2:1
Qol: Voroqovski, 18. Astanov, 39 – Bero, 51.
Azərbaycan – Belarus 2:0
Qol: M.Emreli, 76. R.Şeydayev, 90+3.
Xal durumu: Qazaxıstan – 10, Slovakiya – 6, Azərbaycan – 4, Belarus – 2.