İtaliya 65, İngiltərə 94 ildən sonra bu aqibətlə üzləşdi

UEFA Millətlər Liqasında IV turunda müvafiq olaraq, Almaniya ilə Macarıstana ev oyunlarında uduzan İtaliya və İngiltərə milli komandaları uzun müddətdən sonra darmadağınla üzləşiblər.

Corner.az-ın məlumatına görə, "Skuadra Adzurra" 1957-ci ildən sonra ilk dəfə ən azı 5 top buraxaraq uduzub. Bu komanda 65 il əvvəl Mərkəzi Avropa Kuboku matçında keçmiş Yuqoslaviyaya məğlub olub- 1:6. Ötən gün Almaniya ilə görüşdə 2:5 hesablı məğlubiyyətlə üzləşib.

İngiltərə isə 94 ildən sonra öz meydanında darmadağına üzülüb. Sonuncu dəfə 1928-ci ildə "Uembli" stadionunda Şotlandiya yığmasına 1:5 hesabı ilə yenilmiş "Dumanlı Albion" təmsilçisi yenidən 4 top fərqi ilə uduzub.