Futbol üzrə İtaliya yığma komandası iki itki ilə üzləşib. Corner.az xəbər verir ki, UEFA Millətlər Liqasının oyunları ərəfəsində Matteo Politano və Lorenso Pelleqrini zədə səbəbindən komandanın düşərgəsini tərk edib.
Baş məşqçi Roberto Mançini həmin oyunçuların əvəzinə komandaya iki futbolçu çağırıb – Davide Frattezi və Manolo Qabbyadini.
İtaliya yığması sentyabrın 23-də İngiltərə, 26-da Macarıstanla qarşılaşacaq.
