Bu gün UEFA Millətlər Liqasının qrup mərhələsinin 5-ci turu çərçivəsində Azərbaycan yığmasını qəbul edəcək Slovakiya seçməsinin heyətində dəyişiklik olub. Corner.az xəbər verir ki, qapıçı Martin Dubravka heyətdən kənarlaşdırılıb.
Buna səbəb onun zədədən əziyyət çəkməsi olub. 33 yaşlı qolkiperi Polşa "Pyast"ının üzvü Frantişek Plax əvəzləyib.
Müqavilə ilə İngiltərənin "Nyukasl" klubuna məxsus olan Dubravka icarə əsasında "Mançester Yunayted"də çıxış edir.
Bu gün Trnava şəhərindəki Anton Malatinski stadionunda keçiriləcək Slovakiya - Azərbaycan matçına Bakı vaxtı ilə saat 22:45-də start veriləcək.
