Qazaxıstan millisi Azərbaycanla oyuna itki ilə çıxacaq. Corner.az xəbər verir ki, C liqasının 3-cü qrupundakı rəqibimiz futbolçusu Asxat Tagibergenin xidmətindən yararlana bilməyəcək.
32 yaşlı yarımmüdafiəçi qrupda 1-ci yeri təmin edən Qazaxıstan yığmasının iki gündən sonra Azərbaycan millisi ilə oyunda çıxış etməyəcək.
“Tobol”un futbolçusu cəza səbəbindən Bakıda oynamayacaq. Komandasının kapitanı 5-ci turun Belarusla dünənki görüşündə qırmızı vərəqə alıb.
Qazaxıstan 2:1 hesablı qələbə ilə qrup qalibi adını təmin edib.
