- Millətlər liqası
- 01:39 15.11.2024
UEFA Millətlər Liqasının qrup mərhələsində 5-ci turun növbəti oyunları keçirilib. Corner.az xəbər verir ki, A, B, C və D Liqalarında ümumilikdə 7 qarşılaşma baş tutub.
A Liqasının 3-cü qrupunda Almaniya Macarıstanı, İtaliya isə İngiltərəni qəbul edib. Bu qrupda yalnız britaniyalılar qrup lideri olmaq şansını əldən vermişdi. Bununla yanaşı İngiltərə yığması bu turda da İtaliyaya məğlub olaraq B Liqasına düşüb. Macarlar isə Almaniyada da qələbə qazanmaqla dördlər finalının qapısına bir qədər də yaxınlaşıblar.
B Liqasının 3-cü qrupunda Bosniya və Herseqovina Monteneqro ilə ev oyununda qələbə qazanaraq A Liqasına yüksəlib. Finlandiya isə Rumıniya ilə heç-heçə edib.
Gürcüstan millisi C Liqasının 4-cü qrupunda Şimali Makedoniyanı məğlub etməklə B Liqasında yerini təmin edib. Bolqarıstan isə Cəbəllütariqlə matçda darmadağınla qalib gəlib.
D Liqasında isə Estoniya Maltanı qəbul edib. Meydan sahiblərinə C Liqasına yüksəlmək üçün heç-heçə də kifayət etsə də estonlar buna qalib gələrək nail olublar.
UEFA Millətlər Liqası
Qrup mərhələsi, 5-ci tur
23 Sentyabr
A Liqası, 3-cü qrup
Almaniya – Macarıstan 0:1
Qol: Salai, 17.
İtaliya – İngiltərə 1:0
Qol: Raspadori, 68.
Xal: Macarıstan – 10. İtaliya – 8. Almaniya – 6. İngiltərə – 2.
B Liqası, 3-cü qrup
Bosniya və Herseqovina – Monteneqro 1:0
Qol: Dəmiroviç, 45+1.
Finlandiya – Rumıniya 1:1
Qol: Pukki, 12 – Tanase, 52.
Xal: Bosniya və Herseqovina – 11. Monteneqro – 7. Finlandiya – 5. Rumıniya – 4.
C Liqası, 4-cü qrup
Gürcüstan - Şimali Makedoniya 2:0
Qol: Miyovski, 35-öz qapısına. Kvaratsxeliya, 64.
Bolqarıstan – Cəbəllütariq 5:1
Qol: Antov, 23. Despodov, 36. Kirilov, 52. Stefanov, 55. Petkov, 81 – Çipolina, 26.
Xal: Gürcüstan – 13. Şimali Makedoniya – 7. Bolqarıstan – 6. Cəbəllütariq - 1.
D Liqası, 2-ci qrup
Estoniya – Malta 2:1
Qol: Sappinen, 45+6-pen. Anier, 86 – Teuma, 51-pen.
Xal: Estoniya – 9. Malta – 6. San Marino – 0.
