İngiltərə yığmasının baş məşqçisi Qaret Sautqeyt komandanın UEFA Millətlər Liqasında A Liqasından aşağı düşməsindən sonra Qətərdə keçiriləcək dünya çempionatı öncəsi postunu tərk etmək niyyətində olmadığını bildirib.
Corner az “Mirror”-a istinadən xəbər verir ki, 52 yaşlı mütəxəssis İngiltərə millisinin DÇ-2022-də "sükan"ı arxasında məhz özünün olacağını deyib:
“Hesab edirəm ki, milli komandanı dünya çempionatına aparmalı olan şəxs varsa o da mənəm. Sadəcə indi biz sabitliyi qorumağımız lazımdır. İtaliya ilə oyun çox da pis alınmadı. Matçın sonunda olan reaksiyanı başa düşürəm, çünki bu yarışda əldə etdiyimiz nəticələr budur. Bu başa düşülən emosional reaksiyadır. Məşqçiliyin əsas məqsədi budur. Nə vaxt komanda nəticə ilə bağlı çətinlik çəkirsə, buna məsuliyyəti məşqçi daşıyır. Bu bizim işimizdir”.
Dünya çempionatı 2022-ci il noyabrın 20-dən dekabrın 18-dək Qətərdə baş tutacaq.
