İnana bilmirəm ki, bu, millidəki son oyunumdur

“Bazel”in hücumçusu Adam Salai Macarıstan millisində keçirdiyi son oyunundan sonra fikirlərini bölüşüb.

Corner.az xəbər verir ki, UEFA-nın mətbuat xidmətinə danışan 34 yaşlı futbolçu milli komandada son oyunu olduğuna inana bilmədiyini deyib:

“Hələ də inana bilmirəm ki, bu, milli komandadakı son oyunumdur. Bütün diqqətimi 90 dəqiqəyə yönəltməyə çalışdım. Yaxşı nəticə qazanmaq üçün şanslarımızın olduğunu bilsək də, gözəl fürsəti əldən verdik”.

Macarlar UEFA Millətlər Liqasındakı son oyunda İtaliyaya 0:2 hesabı ilə məğlub olub. Bu qələbə ilə İtaliya millisi Millətlər Liqasının pley-off mərhələsinə vəsiqə qazanıb. Macarıstan isə A liqasındakı yerini qoruyub və 3-cü qrupun turnir cədvəlində ikinci yeri tutub.