- Millətlər liqası
- 01:31 30.09.2026
Moldova və Azərbaycan milli komandaları arasında keçiriləcək yoldaşlıq oyununun hakimləri bəlli olub.
Corner.az Moldova Futbol Federasiyasının rəsmi saytına istinadən xəbər verir ki, qarşılaşma Ukraynadan olan hakimlər briqadasına həvalə olunub.
Baş hakim Denis Şurmana Aleksandr Jukov və Viktor Nijnik köməklik göstərəcək. Dördüncü hakim funksiyasını moldovalı Roman Jitari yerinə yetirəcək.
Qeyd edək ki, noyabrın 16-da keçiriləcək qarşılaşma Bakı vaxtı ilə saat 21:00-da başlayacaq.
