"Dördlər finalı"nın bombardiri - Ronaldo
Millətlər Liqasının A divizionunun qrup qalibləri arasında keçirilən "Dördlər finalı"nın ən sərrast oyunçusu müəyyənləşib.Corner.az UEFA-nın rəsmi saytına istinadən xəbər verir ki, Portuqaliya millisinin kapitanı Kriştiano Ronaldo turnirin bombardiri adına layiq görülüb. Finalda fərqlənə bilməsə də, İsveçrə ilə yarımfinal matçında (3:1) het-trik edən 34 yaşlı hücumçu bütün rəqiblərini qabaqlayıb.Qeyd edək ki, finalda Hollandiyanı 1:0 hesabı ilə məğlub edən Portuqaliya ilk dəfə təşkil olunan Millətlər Liqasının qalibi olub.