Azərbaycan millisinin də iştirak etdiyi Millətlər Liqasının formatı dəyişdirilə bilər. Corner.az saytı xəbər verir ki, bunu UEFA prezidenti Aleksander Çeferin açıqlayıb.
Qurumun rəhbəri bildirib ki, müasir dövrə ayaqlaşmaq üçün tez-tez dəyişikliklər etməli olurlar. O, 2024-cü ildən etibarən daha bir neçə turnirin, o cümlədən Millətlər Liqasının formatında dəyişiklik olacağını istisna etməyib.
56 yaşlı funksioner bu turnirdə seçmə mərhələ yarışlarının təşkilini müzakirə edəcəklərini söyləyib.
Qeyd edək ki, Azərbaycan yığması Millətlər Liqasının C liqasında mübarizə aparır.
