Navas milli karyerasını başa vurdu

Keylor Navas, üç Dünya Kuboku turnirində çıxışlar da daxil olmaqla, 16 ildən və 100-dən çox beynəlxalq matçdan sonra Kosta Rika milli komandasını tərk etməyi planlaşdırdığını açıqlayıb. 

 90deqiqe.Az xəbər verir ki, 37 yaşlı Navas bu barədə sosial media hesabında video paylaşımı edib. 

 “Bütün xatirələrə görə sizə ürəkdən təşəkkür etmək istəyirəm.  Biz birlikdə tarix yazdıq, dünyanın ən yaxşı oyunçuları ilə qarşılaşdıq, Kosta Rikanın adını ən yüksək səviyyəyə qaldırdıq”, - Navas bildirib.

 Kosta-Rika tarixinin ən yaxşı qapıçısı sayılan Navas, 2014-cü ildə Braziliyada keçirilən dünya çempionatında milli komandasını 1/4 finala çıxarıb. O, 2018-ci ildə Rusiyada, 2022-ci ildə isə Qətərdə çıxış edib.

"Real Madrid" ilə üç dəfə Çempionlar Liqasının qalibi olan futbolçu, bir dəfə İspaniya çempionu olub və bir dəfə də "Kral Kuboku"nu qazanıb.