Kosovo yığması UEFA Millətlər Liqasının qrup mərhələsində Malta və Azərbaycanla oyunlara ciddi itki ilə çıxacaq.
Corner.az-ın qol.az-a istinadən məlumatına görə, komandanın aparıcı futbolçularından Bersant Selina hər iki matçı buraxacaq. Bu barədə millinin baş məşqçisi Bernar Şalland məlumat verib. Onun sözlərinə görə, "Svansi"nin yarımmüdafiəçisi zədə səbəbindən qarşıdakı 2 vacib oyunda yığmaya kömək edə bilməyəcək.
Qeyd edək ki, noyabrın 17-də səfərdə Maltanın qonağı olacaq Kosovo 3 gün sonra doğma meydanda millimizi qəbul edəcək.
