Palmer İngiltərə yığmasını tərk etdi

"Çelsi"nin yarımmüdafiəçisi Koul Palmer İngiltərə millisinin sentyabr matçlarında oynamayacaq.

90deqiqe.Az-ın "Üç Aslan"ın mətbuat xidmətinə istinadən məlumatına görə, 22 yaşlı futbolçu millinin düşərgəsini tərk edib və beynəlxalq fasilənin qalan hissəsini "Çelsi"də keçirəcək.

Bu qərar "mavi-qaralar"ın futbolçusunun hazırkı sağlamlıq vəziyyətini qiymətləndirdikdən sonra verilib - ona istirahət vermək qərarına gəliblər.

Koul Palmer İngiltərə yığmasında 9 oyunda iki qol və bir məhsuldar ötürmə ilə çıxış edib. "Çelsi"nin hücumameyilli yarımmüdafiəçisi ingilislərin İspaniyaya uduzduqları Avro-2024 finalında yeganə qolu vurub. İngiltərə yığması Millətlər Liqasında İrlandiya (7 sentyabr) və Finlandiya (10 sentyabr) komandaları ilə qarşılaşacaq.