"Rodri,ideal altı nömrəli oyunçudur"

İspaniya yığmasının baş məşqçisi Luis de la Fuente yarımmüdafiəçi Rodri haqda fikirlərini bölüşüb.

90deqiqe.Az xəbər verir ki, təcrübəli çalışdırı bu barədə UEFA-nın rəsmi saytına açıqlamasında bildirib.

“Rodri planetin ən yaxşı mərkəz yarımmüdafiəçilərindən biridir, ideal altı nömrəli oyunçudur. O, futbolun bütün aspektlərində üstündür: nə vaxt hücum edib, nə vaxt müdafiə olunacağını mükəmməl başa düşür, heç vaxt eqoist deyil, komanda yoldaşlarına kömək etməyə həmişə hazırdır, eyni zamanda meydanda çalışqan və əla təşkilatçıdır. Bu, əsl təbii istedaddır. Amma ən çox onun əsas keyfiyyətini - təvazökarlığını vurğulamaq istəyirəm. Məhz bunun sayəsində o, hər zaman öyrənməyə açıqdır və məşqçilər korpusunun məsləhətlərinə diqqətlə qulaq asır. Bu keyfiyyət ona nəinki bir oyunçu kimi böyüməyə, həm də daim təkmilləşməyə kömək edir”