Kalafiori London derbisini buraxa bilər

"Arsenal"ın müdafiəçisi Rikkardo Kalafiori Millətlər Liqasının İtaliya - Fransa matçında zədələnib.

90deqiqe.Az-ın məlumatına görə, 22 yaşlı futbolçu İtaliya millisinin start heyətində meydana daxil olsa da, 71-ci dəqiqədə zədələnərək əvəzlənib.

“Skuadra Adzurra” sonda 3:1 hesabı ilə qalib gəlib. Zədəsi səbəbindən Kalafiori sentyabrın 15-də "Tottenhem"lə keçiriləcək London derbisini buraxmaq riski ilə üzləşib.

Xatırladaq ki, Rikkardo Kalafiori bu yay "Bolonya"dan London "Arsenal"ına keçmişdi. Bu mövsüm gənc italyan müdafiəçi "topçular"ın heyətində İngiltərə çempionatında cəmi iki oyun keçirib.