Məşhur hücumçuya qızıl papaq hədiyyə olundu

İngiltərə millisinin hücumçusu Harri Keynin millinin heyətində 100-cü matçına çıxdığını artıq xəbər vermişdik.

90deqiqe.Az xəbər verir ki, o, İngiltərə yığmasında 100 və ya daha çox oyuna çıxan 10 oyunçudan biri olub.

Finlandiya millisi ilə çərşənbə axşamı axşam baş tutacaq oyundan əvvəl Keynə bu nailiyyətinə görə yaddaqalan hədiyyə - qızıl papaq verilib.

Ön tərəfdə milli komandanın loqosu əks olunub.

Xatırladaq ki, İngiltərə - Finlandiya matçının mətn yayımını portalımız həyata keçirir. Oyundan yarım saat keçib, hesab hələ açılmayıb. UEFA Millətlər Liqasının ikinci turu çərçivəsində qarşılaşma keçirilir.